बैतडी– बैतडीको पाटन नगरपालिका वडा नम्बर ९ मा रहेको शिद्धेश्वर माबि हुक्केडाँडाले होली खेलेर १ लाख बढी संकलन गरेको छ । नमुना बिद्यालयको रुपमा रहेको उक्त बिद्यालयले प्रत्येक बर्ष होली खेल्दै आएकोमा यो बर्ष पनी होली खेलेर १ लाख ११ हजार २५ रुपैँया संकलन गरेको हो ।
बिद्यार्थी, शिक्षक र अभिभावक मिलेर बिद्यालय सेवा क्षेत्रभित्र होली खेलेर उक्त रकम संकलन गरेको बिद्यालयका सहयोगी गोपाल सिह महराले जानकारी दिनुभएको छ । बिद्यालयमा निजि स्रोतका शिक्षकहरुको संख्या बढी रहेको र आर्थिक अभाबका कारण होली खेलेर आर्थिक संकलन गरेको उहाँको भनाई छ ।
प्रत्येक बर्ष होली खेलेर शिक्षकहरुको तलबका लागी समुदाय स्तरबाट आर्थिक संकलन गर्ने गरेको बिद्यालय ब्यबस्थापन समितिका अध्यक्ष प्रेम सिह भाटले जानकारी दिनुभएको छ । “एका तिर होली खेलेर संस्कृति संरक्षण्को अभियानमा पनी सघाउ पुग्ने अर्का तर्फ बिद्यालयको आर्थिक अबस्था पनी उकासिने, प्रत्येक बर्ष होली खेलेर खर्च ब्यबस्थापन गर्ने गरेको छौ । ”उहाँले भन्नुभयो । चैत्र १२ गतेबाट शुरु गरिएको होली आज समापन गरिएको अध्यक्ष भाटले बताउनुभयो ।
( रेडियो बैतडीबाट साभार)
