कञ्चनपुर – कञ्चनपुरको भीमदत्त नगरपालिका वडा नम्बर १८ मा रहेको हिमालयन एकेडेमी इंङ्गलिस मिडियम स्कुलले तिज विशेष कार्यक्रम सम्पन्न गरेको छ।
उक्त कार्यक्रममा विद्यालयका सञ्चालक समिति अध्यक्ष कर्ण बहादुर चन्दको सभापतित्व रहेको थियो भने एनप्याब्सनका केन्द्रिय उपाध्यक्ष श्याम सिह मौनीको प्रमुख आतिथ्य रहेको थियो।
कार्यक्रममा तिज विशेष विविध सांस्कृतिक प्रस्तुति गरिएको विद्यालयका प्रधानाध्यापक तिलक सिह भाटले बताएका छन्। साथै कार्यक्रममा राष्ट्रिय भलिबल टिमका प्रमुख प्रशिक्षक जगदीश भट्टलाई सम्मान गरिएको छ। विद्यालयका प्रधानाध्यापक भाटका अनुसार राष्ट्रिय भलिबल टिमका प्रमुख प्रशिक्षक भट्टलाई दोसल्ला र सम्मान पत्र सहित सम्मान गरिएको हो।
विद्यालयका शिक्षक हरिश बहादुर चन्दले सञ्चालन गरेको उक्त कार्यक्रममा राष्ट्रिय भलिबल टिमका प्रमुख प्रशिक्षक जगदीश भट्ट, एनप्याब्सन कञ्चनपुरका जिल्ला अध्यक्ष सत्येश बहादुर चन्द लगायतको विशिष्ट आतिथ्य रहेको थियो।
