काठमाडौं । भारतमा अत्यधिक गर्मीका कारण गुडिरहेको रेल भित्रै ४ जनाको मृत्यु भएको छ । नयाँ दिल्लीबाट झांसीका लागि छुटेको केरला एक्सप्रेसको रेलभित्रै चार जना यात्रीको मृत्यु भएको हो ।
उनीहरु चारैजनाको अत्यधिक गर्मीका कारण मृत्यु भएको भारतीय सञ्चार माध्यमले जनाएका छन् । गम्भीर अवस्थामा रहेका १ जनालाई अस्पताल भर्ना गरिएको छ ।
६८ जनाको समुहमा रहेका उनीहरु बनारसी र आगराको भ्रमण सकेर घरतर्फ (कोयम्बटूर) गइरहेका थिए । चार दिन अगाडि उनीहरु घुमघामका लागि निस्केका थिए ।
अत्यधिक गर्मीका कारण केहि यात्रुहरु बेहोस भएपछि चिकित्सक बोलाइएको थियो । चिकित्सकले चारैजनालाई मृत घोषित गरेका हुन । चिकित्सकले मृत घोषणा गरेपछि उनीहरुको शव झाँसी रेल स्टेशनबाट निकालिएको हो ।
![Mahakali Polytechnic](https://sudurpashimkhabar.com/wp-content/uploads/2024/08/Mahakali.gif)
उक्त ठाँउको तापक्रम हिजो (सोमबार) ५० डिग्री सेल्सियस रहेको भारतीय मिडियाले उल्लेख गरेका छन् ।
भारतमा प्रचण्ड गर्मीका कारण राजधानी दिल्लीसहित अधिकांश क्षेत्रको जनजिवन कष्टकर बनेको छ । इलाहाबाद, दिल्ली, लखनउ लगायतका कैयौं सहरमा ४५ डिग्री सेल्सिय माथि तापक्रम रहेको बताइएको छ ।
![Sana Kishan](https://sudurpashimkhabar.com/wp-content/uploads/2021/01/Sana-Kishan-scaled.jpg)
यस्तै राजस्थानमा पनि गर्मीको प्रभाव परेको छ । त्यँहाको तापक्रम ४८ डिग्रि सेल्सियस माथि छ । भारतमा अत्यधिक गर्मीका कारण धेरैको ज्यान जाने गरेको छ ।
![Dirghayu Ads](https://sudurpashimkhabar.com/wp-content/uploads/2024/06/Dirghayu.gif)