कञ्चनपुर । महेन्द्रनगरको गल्ली नम्बर ३ मा रहेको ग्लोबल इन्स्टिच्युट अफ इन्फरमेसन एण्ड टेक्नोलोजी प्रालिले स्थानीय युवा र विद्यार्थीहरूलाई लक्षित गरी एक महिनाको निशुल्क कम्प्युटर कक्षा र अंग्रेजी भाषा तयारी कक्षा सञ्चालन गर्ने घोषणा गरेको छ। इन्स्टिच्युटका प्रमुख रोसन साउदले यो पहलले आर्थिक रूपमा विपन्न समुदायका विद्यार्थीहरूलाई प्राविधिक र भाषिक सीप प्रदान गरी आत्मनिर्भर बनाउने लक्ष्य राखेको बताए।
विगत १५ वर्षदेखि नेपाल र भारतमा ६ शाखा सञ्चालन गर्दै आएको ग्लोबल इन्स्टिच्युटले कोरियन, जापानिज भाषा कक्षा, आईईएलटीएस, पिटिई, ट्युसन र विभिन्न कम्प्युटर कोर्सहरू प्रदान गर्दै आएको छ। “हाम्रो उद्देश्य विद्यार्थीहरूलाई सीपमूलक शिक्षा दिएर विश्व बजारमा प्रतिस्पर्धी बनाउनु हो,” साउदले भने।
निशुल्क कम्प्युटर कक्षाले आधारभूत कम्प्युटर सीप, सफ्टवेयर प्रयोग र प्रोग्रामिङका प्रारम्भिक ज्ञान समेट्नेछ। त्यस्तै, अंग्रेजी भाषा तयारी कक्षाले संवाद कौशल, व्याकरण, शब्दावली र व्यावहारिक प्रयोगमा जोड दिनेछ। यी कक्षाहरू विशेषगरी उच्च शिक्षा, जागिरको अन्तर्वार्ता वा अन्तर्राष्ट्रिय अवसरहरूका लागि अंग्रेजीमा दक्षता चाहिने विद्यार्थीहरूलाई लाभदायक हुने अपेक्षा गरिएको छ।
सहभागिताका लागि इच्छुक व्यक्तिहरूले इन्स्टिच्युटमा सम्पर्क गरी नाम दर्ता गराउन सक्नेछन्। यो कार्यक्रमले कञ्चनपुरका युवाहरूलाई प्राविधिक र व्यावसायिक क्षेत्रमा अघि बढ्न प्रेरणा प्रदान गर्ने विश्वास लिइएको छ। विभिन्न सामाजिक कार्यहरू मार्फत समुदायमा योगदान पुर्याउँदै आएको इन्स्टिच्युटले यो कक्षामार्फत डिजिटल साक्षरता अभिवृद्धि र रोजगारीका नयाँ सम्भावनाहरू सिर्जना गर्ने अपेक्षा गरेको छ।
इच्छुकहरूलाई छिट्टै सम्पर्क गर्न र यो अवसरको लाभ लिन इन्स्टिच्युटले आह्वान गरेको छ।
Discussion about this post