यस्तो छ आगामी तीन दिनको मौसम पूर्वानुमान

कञ्चनपुर – मौसम पूर्वानुमान महाशाखाका अनुसार हाल देशमा स्थानीय वायु, पश्चिमी वायु र बिहार आसपासको न्यून चापीय रेखाको प्रभावले मौसम प्रभावित भएको छ। आज बागमती, गण्डकी, लुम्बिनी र कर्णाली प्रदेशमा आंशिकदेखि साधारणतया बदली छ भने बाँकी क्षेत्रमा मुख्यतया सफा देखि आंशिक बदलीको अवस्था छ। बागमती, गण्डकी, लुम्बिनी र कर्णाली प्रदेशका थोरै स्थानमा मेघगर्जन र चट्याङसहित हल्कादेखि मध्यम वर्षा भइरहेको छ।

आगामी तीन दिनको मौसम पूर्वानुमान

वैशाख ६ गते (शनिबार):
दिउँसो देशभर आंशिकदेखि साधारणतया बदली रहनेछ। कोशी, बागमती र गण्डकी प्रदेशका पहाडी भू-भागका केही स्थान र बाँकी क्षेत्रका थोरै स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ। यी प्रदेशका पहाडी क्षेत्रका एक-दुई स्थानमा भारी वर्षा हुन सक्छ। उच्च पहाडी र हिमाली भू-भागमा हल्का वर्षा वा हिमपातको सम्भावना छ।
राति कोशी, बागमती, गण्डकी र कर्णाली प्रदेशका पहाडी भू-भागमा बदली रहने र बाँकी क्षेत्रमा आंशिक बदलीदेखि सफा रहनेछ। कोशी, बागमती, गण्डकी र कर्णालीका थोरै स्थानमा हल्का वर्षा र उच्च पहाडी तथा हिमाली क्षेत्रमा हल्का वर्षा वा हिमपातको सम्भावना छ।

वैशाख ७ गते (आइतबार):
दिउँसो कोशीसहित पहाडी भू-भागमा बदली रहने र बाँकी क्षेत्रमा आंशिक बदलीदेखि सफा रहनेछ। कोशीसहित पहाडी क्षेत्रका थोरै स्थान र बाँकी क्षेत्रका एक-दुई स्थानमा हल्कादेखि मध्यम वर्षाको सम्भावना छ। उच्च पहाडी र हिमाली क्षेत्रमा हल्का वर्षा वा हिमपात हुन सक्छ।
राति कोशी, गण्डकी र कर्णालीका पहाडी भू-भागमा बदली रहने र बाँकी क्षेत्रमा आंशिक बदलीदेखि सफा रहनेछ। कोशी, गण्डकी र कर्णालीका थोरै स्थानमा हल्का वर्षा र उच्च पहाडी तथा हिमाली क्षेत्रमा हल्का वर्षा वा हिमपातको सम्भावना छ।

वैशाख ८ गते (सोमबार):
दिउँसो कोशी, बागमती र गण्डकीसहित पहाडी भू-भागमा बदली रहने र बाँकी क्षेत्रमा आंशिक बदलीदेखि सफा रहनेछ। कोशी, बागमती र गण्डकीका थोरै स्थान र बाँकी पहाडी क्षेत्रका एक-दुई स्थानमा हल्कादेखि मध्यम वर्षाको सम्भावना छ। उच्च पहाडी र हिमाली क्षेत्रमा हल्का वर्षा वा हिमपात हुन सक्छ।
राति कोशी, गण्डकी र कर्णालीका पहाडी भू-भागमा बदली रहने र बाँकी क्षेत्रमा आंशिक बदलीदेखि सफा रहनेछ। कोशी र गण्डकीका एक-दुई स्थानमा हल्का वर्षा र उच्च पहाडी तथा हिमाली क्षेत्रमा हल्का वर्षा वा हिमपातको सम्भावना छ।

चेतावनी:
आगामी २४ घण्टामा कोशी, बागमती र गण्डकी प्रदेशका पहाडी भू-भागका एक-दुई स्थानमा भारी वर्षा र देशभर मेघगर्जन र चट्याङसहित हल्कादेखि मध्यम वर्षाको सम्भावना छ। उच्च पहाडी र हिमाली क्षेत्रमा हल्का वर्षा वा हिमपात हुन सक्छ। यसले कृषि, स्वास्थ्य, दैनिक जनजीवन, सडक र हवाई यातायातमा असर पर्न सक्ने भएकाले सतर्कता अपनाउन महाशाखाले अनुरोध गरेको छ।