पाकिस्तानी मिडियाले जैश-ए-मोहम्मदका प्रमुख माैलाना मसूद अजहरको मृत्युको खबरमाथि खण्डन गरेको छ ।
मसूद अजहरका परिवारको गोप्य सूत्रले उनी जिउँदै भएको खबर दिएको छ । हिन्दुस्तान टाइम्सले जियो उर्दू न्यूजलाई उद्धृत गर्दै मसूद अजहरको मृत्युको खबर झुटो भएको बताएको छ ।
तर यस खबरमा अजहर जिउँदो भए कुन ठाउँमा र कस्तो अवस्थामा छन् भन्ने बारे भने केही पनि बताइएको छैन । केही दिन पहिले पुख्ता सूत्रद्वारा अजहरको स्वास्थ्य एकदमै खराब भएको सूचना भने प्राप्त भएको थियो । भन्न त अजहरको रावलपिण्डीको सैनिक अस्पतालमा उपचार भइरहेको र उनका दुवै मृगौलाले काम गर्न छाेडेकाेसम्म पनि भनिएको थियो ।
जैश–ए–मोहम्मद : काठमाण्डौबाट विमान ‘हाइज्याक’ गर्नेदेखि कश्मीर आक्रमणसम्म !
![Mahakali Polytechnic](https://sudurpashimkhabar.com/wp-content/uploads/2024/08/Mahakali.gif)
पाकिस्तानका विदेशमन्त्री शाह महमुद कुरैशीले मिडियासँग बोल्दै मसूद अजहरको खराब स्वास्थ्यको बारेमा बताएका थिए । उनको मृत्युसँग जोडिएका खबरमाथि पाकिस्तानी सरकारले भने केही पनि बताइएकाे छैन ।
यसबारे पाकिस्तानका सूचनामन्त्री फवाद चौधरीसँग सोधपुछ गर्ने क्रममा उनले आफू यसबारे केही पनि बोल्न नचाहेको बताएका थिए ।
![Dirghayu Ads](https://sudurpashimkhabar.com/wp-content/uploads/2024/06/Dirghayu.gif)