न नदी फेरियो न त नदीको बगर फेरियो
न मेरो गाउँ फेरियो न तिम्रो सहर फेरियो
उहीँ यात्रा जारी छ; निरन्तर,अविचलित
न उद्देश्य फेरियो उसको न सफर फेरियो
यहीँ फेर्न रातदिन कुदेको छ छोरो सहरमा
न आमाको चोली न बाको मफलर फेरियो
धेरै खुसी हुनु छैन के भएको छ उपलब्धि
वसन्त आयो भनेको केवल पतझर फेरियो
![Mahakali Polytechnic](https://sudurpashimkhabar.com/wp-content/uploads/2024/08/Mahakali.gif)
के के पो फेरिन्छ भन्ने लाग्थ्यो पोहोर पनि
खै केही फेरिएन केवल क्यालेन्डर फेरियो
![Dirghayu Ads](https://sudurpashimkhabar.com/wp-content/uploads/2024/06/Dirghayu.gif)