दार्चुलामा नेपाल–भारत सीमा नदी महाकालीमा जलमापन यन्त्र जडान भएको छ । वर्षात्को समयमा महाकालीको सतह बढ्ने भएकाले समयमै पानीको मात्रा बुझ्न दार्चुलाको महाकाली नगरपालिका–९ दत्तुमा आधुनिक जलमापन यन्त्र जडान गरिएको हो ।
जल तथा मौसम विज्ञान केन्द्र अत्तरियाका कार्यालय प्रमुख गोविन्द झा नेतृत्वको टोलीले तीन दिन लगाएर यन्त्र जडान गरिएको जनाएको छ । मौसमी सूचना प्रणालीलाई विश्वस्तरको बनाउने लक्ष्य सहित जल तथा मौसम विज्ञान विभागले अत्याधुनिक मौसमी राडार जडान गरिरहेको झाले बताए ।
त्यसैअनुसार दार्चुलामा महाकाली नदी र चौलानी नदीमा जलमापन यन्त्र जडान गरिन लागेको हो । दार्चुलामा जडित यन्त्रले महाकालीको जलस्तरको अवस्था राजधानीबाट पनि हेर्न सकिने अत्तरिया स्थित जल तथा मौसम विज्ञान विभागका कार्यालय प्रमुख झाले बताए । गोदावरी न्युज बाट सभार
Discussion about this post