काठमाडौं । अन्तर्राष्ट्रिय क्रिकेट परिषद् (आईसीसी) को पछिल्लो टी–२० अन्तर्राष्ट्रिय अलराउन्डर वरीयतामा नेपाली राष्ट्रिय क्रिकेट टोलीका कप्तान दीपेन्द्रसिंह ऐरी एक स्थान तल झरेका छन्।
आईसीसीले सार्वजनिक गरेको नयाँ वरीयताअनुसार दीपेन्द्र छैटौँ स्थानमा पुगेका हुन्। यसअघि उनी पाँचौँ स्थानमा रहेका थिए।
दीपेन्द्रले टी–२० अलराउन्डर वरीयतामा दोस्रो स्थानसम्म पुगेर नेपाली क्रिकेट इतिहासमा नयाँ कीर्तिमान बनाएका थिए। उनी सन् २०२४ अक्टोबरमा पहिलो पटक विश्वकै दोस्रो वरीयताका टी–२० अलराउन्डर बनेका थिए। त्यसपछि सन् २०२५ मा पनि वेस्ट इन्डिजका रोस्टन चेसलाई पछि पार्दै दोस्रो स्थानमा उक्लिएका थिए।
नेपालले गत अक्टोबरमा एसियाली खेलकुद प्रतियोगितामा सहभागिता जनाएयता टी–२० अन्तर्राष्ट्रिय क्रिकेट खेलेको छैन।
पछिल्लो वरीयतामा जिम्बाब्वेका सिकन्दर राजा पहिलो र पाकिस्तानका साइम अयुब दोस्रो स्थानमा यथावत् छन्। यस्तै, अफगानिस्तानका अजमतुल्लाह ओमरजाई तीन स्थान सुधार गर्दै तेस्रो स्थानमा उक्लिएका छन्।
Discussion about this post