काठमाडौं : राष्ट्रिय जेनजी नागरिक अभियानको आयोजनामा मानव अधिकार सुनिश्चितताको माग गर्दै बिहीबार माइतीघर मण्डलामा शान्तिपूर्ण कार्यक्रम आयोजना गरिएको छ ।
राष्ट्रिय मानव अधिकार आयोगसँग जेनजी आन्दोलन सम्बन्धी प्रतिवेदन सार्वजनिक गर्न माग गर्दै अभियानले नागरिकका मौलिक तथा मानव अधिकार सुनिश्चित हुनुपर्ने आवाज उठाएको हो ।
राष्ट्रिय मानव अधिकार आयोगको स्थापना दिवसको अवसर पारेर आयोजित कार्यक्रममा विभिन्न उमेर समूहका नागरिक, युवायुवती तथा अभियानकर्मीहरूको सहभागिता रहेको थियो ।
सहभागीहरूले ब्यानर, पम्प्लेट तथा विभिन्न सिर्जनात्मक सामग्री प्रदर्शन गर्दै मानव अधिकारको संरक्षण र नागरिक अधिकारको सम्मान गर्नुपर्ने सन्देश दिएका थिए ।
माइतीघर मण्डलामा भएको उक्त कार्यक्रममा मानव अधिकार, सुशासन, सामाजिक न्याय र समानताको पक्षमा नाराबाजीसमेत गरिएको थियो ।
Discussion about this post