एन-प्याब्सन खेलकुद महोत्सव : आज अन्तिम चरणका खेल हुँदै

कञ्चनपुर । कञ्चनपुरको महेन्द्रनगर स्थित कभर्ड हलमा जारी १७ औं एन-प्याब्सन खेलकुद महोत्सवको आज अन्तिम दिन माध्यमिक र आधारभूत तहमा विभिन्न खेलहरू हुँदैछन्।

खेल महोत्सवको अन्तिम आज बाँकि रहेका खेलहरू सञ्चालन हुँदैछन्। खेल ९ बजेदेखि महेन्द्रनगरस्थित कभर्ड हलमा सञ्चालन हुने आयोजकले जनाएको छ। खेल महोत्सवको पौष २६ गते महेन्द्रनगरस्थित खुला मञ्चमा भव्य उद्घाटन गरिएको थियो । नेपाल सरकारका गृहमन्त्री रमेश लेखकले खेल महोत्सवको उद्घाटन गर्नुभएको थियो ।

विद्यार्थीहरूको अन्तरनिहित प्रतिभालाई बाहिर ल्याउने उद्देश्यले नेशनल प्याब्सन कञ्चनपुरले प्रत्येक वर्ष खेल महोत्सव आयोजना गर्दै आइरहेको छ। प्रत्येक वर्ष विद्यार्थीहरू विभिन्न खेल विधामा सहभागी हुन्छन।

प्रत्येक वर्ष आयोजना हुने खेल महोत्वसले खेलाडी विद्यार्थीहरूलाई अगाडी ल्याउने कार्य गरिरहेको छ। अहिलेको समयमा युवा पुस्ता लागू औषधको चपेटमा देखिन्छ तर यस्ता खेल महोत्सव तथा प्रतियोगिताहरूले विद्यार्थीलाई लागू औषधबाट टाढा रहन समेत मद्द गर्दछ। खेलकुदले विद्यार्थीमा अनुशासन समेत सिकउँछ।

खेलकुद महोत्सवमा ५२ स्वर्ण, ५२ रजत र ६६ कांस्य पदकका लागि खेलाडीहरूबिच प्रतिस्पर्धा भइरहेको छ।

यस्तो छ आज अन्तिम दिन हुने खेलहरूको तालिका