तान्दै छन् कोहि त कोहि टाढा घचेट्दै छन्

तान्दै छन् कोहि त कोहि टाढा घचेट्दै छन्
अनेकौ बाहना गर्दै मनका प्यास मेट्दै छन्
बुझी नसक्नु छ यिनको चर्तीकला अचम्म
कोहि गुणगान गर्दै छन् कोहि लखेट्दै छन्
कसैले बोलाएको पनि नसुने झै गर्छ किन
के हुँदै छ कसैलाई प्रत्येक दिन भेट्दै छन्
यस्तो अपराध होइन भन्छन् अझ उनैले
खुट्टा भाँच्दै छन् कतिका घाँटी रेट्दै छन्
शक्ति भएपछि लुक्छन् सबै अपराधहरू
हेर्नुस् लोकतन्त्र भनेर यस्ता लपेट्दै छन्