कञ्चनपुर – कञ्चनपुरको भीमदत्त नगरपालिका एक जोशी परिवारले घरमै ज्ञान महायज्ञ सञ्चालन गरेको छ । भीमदत्त नगरपालिका -०८ तिलाचौर (कृष्ण टोल) स्थित भौन्याल जोशी परिवारले घरमै ज्ञान महायज्ञ सञ्चालन गरेको हो ।
भौन्याल जोशी परिवारले परिवारकै खर्चमा श्रीमद् देवी भागवत महापुराण नवाह ज्ञान महायज्ञ सञ्चालन गरेको जनाएको छ । भौन्याल जोशी परिवारका अगुवा डम्मर दत्त जोशीले गत २६ चैत्रदेखि महायज्ञ शुरु भएको बताए ।
उनका अनुसार भौन्याल जोशी परिवारले घरपरिवार, गाउँठा-उँमा शान्ति, समृद्धिका लागि महायज्ञ सञ्चालन गरिएको छ । ‘हाम्रा अग्रज पुर्खाहरूले हरिद्वारबाट जल ल्याएर महायज्ञ शुरु गरेका छौँ, ‘उनले भने, ‘कन्याका खुट्टा धोएर आराधना गरेका छौँ ।’
यस अघि ०५१ सालमा पनि घरमै ज्ञान सप्ताह यज्ञ लगाएको अहिले ९ दिने महायज्ञ लगाएको उनले बताए । भौन्याल जोशी परिवारका जेष्ठ सदस्य परमानन्द जोशीले अस्मि केदार स्वामीको कृपाले सुखशान्तिका लागि महायज्ञ सञ्चालन गरिएको बताए ।
उनले महायज्ञबाट ज्ञान वृद्धिका साथै सद्भाव हुने बताए । मुख्य कथावाचक समेत रहेका शास्त्री पण्डित भक्तराज जोशीले शिवशक्ती माध्यमबाट ज्ञान प्राप्ति, प्रेम, सद्भावको वृद्धि विकास हुने बताए । ‘महायज्ञबाट मानिस मानिसबीचको सद्भावदेखि ज्ञान वृद्धि भएर समाज सुधार हुन्छ, ‘उनले भने, ‘महायज्ञमा विभिन्न धार्मिक ज्ञानगुनका प्रवचन दिइन्छन् ।’ ५ बैशाखसम्म सञ्चालन हुने महायज्ञमा दैनिक सयौँ दर्शनार्थीहरू आउने गरेका छन ।
भिडियो हेर्नुहोस् ।।
Discussion about this post