मंगलबार सुनको मूल्य तोलामा १ हजार ४ सय रुपैयाँले घटेको छ। नेपाल सुनचाँदी व्यवसायी महासंघका अनुसार आजका लागि सुनको मूल्य प्रतितोला २ लाख ८८ हजार रुपैयाँ निर्धारण गरिएको छ।
यसअघि सोमबार सुनको मूल्य प्रतितोला २ लाख ८९ हजार ४ सय रुपैयाँ रहेको थियो। यस्तै, गत मंगलबार सुनको मूल्य प्रतितोला २ लाख ७७ हजार ९ सय रुपैयाँमा कारोबार भएको थियो।
यता, चाँदीको मूल्य पनि घटेको छ। महासंघका अनुसार चाँदीको मूल्य तोलामा ३० रुपैयाँले घटेर आज ४ हजार ५५५ रुपैयाँ कायम भएको छ। सोमबार चाँदीको मूल्य प्रतितोला ४ हजार ५८५ रुपैयाँ रहेको थियो।
गत मंगलबार भने चाँदीको मूल्य प्रतितोला ४ हजार २८५ रुपैयाँमा कारोबार भएको थियो।
Discussion about this post