कञ्चनपुर – कञ्चनपुरको भीमदत्त नगरपालिका गड्डाचौकीमा जारी दोस्रो मेयर कप डे- नाइट टि-१० क्रिकेट प्रतियोगितामा हिजो शनिबार क्वाटर फाइनलका ४ खेल सम्पन्न भएसँगै सेमिफाइनलमा पुग्ने टिमहरूको टुङ्गो लागेको छ।
सिफारिस
आज आइतबार सेमिफाइनलका दुइ खेल हुँदैछन्। आजको पहिलो खेलमा भीमदत्त -०९ र भीमदत्त -०८ बिच फाइनलमा पुग्न प्रतिस्पर्धा हुनेछ। दोस्रो खेलमा भीमदत्त -०६ र भीमदत्त -१३ बिच फाइनलमा पुग्न प्रतिस्पर्धा हुनेछ। खेल ७:३० बजेदेखि सुरु हुनेछन्।
आजका खेल जित्ने दुइ टिम फाइनलमा प्रवेश गर्नेछन्। फाइनल खेल सोमबार हुनेछ। त्यसैगरी वडा नम्बर ११ का अध्यक्ष प्रकाश थापाले प्रतियोगिता निर्विवाद र शान्तिपूर्ण वातावरणमा सञ्चालन भइरहेको बताएका छन् । साथै दर्शकको पनि उल्लेख्य उपस्थिति रहेको उनको भनाइ रहेको छ। ‘
