यसै यसैगरी बितेछ समय
न उमङ्ग छ न छ कुनै भय
कतै अल्झियो कतै तैरियो
न त जिन्दगीले लियो लय
जे जे भयो भयो राम्रै थियो
छ कसैप्रति न कुनै दुराशय
तल हुनुपर्ने माथी पुगे छन्
पछाडि छुटे साथी कतिपय
कसलाई गुनासो गर्नु व्यर्थ
कसले गर्छ यो नियती तय
कसरी बित्यो समय के भनु
यसै यसैगरी गएछ मेरो वय
यसै यसैगरी बितेछ समय ….
धर्मानन्द भट्ट
9 पोस्ट
धर्मानन्द भट्ट सुदूरपश्चिम खबरका सल्लाहकार हुन् ।
सम्वन्धित समाचार