यो देशमा राज्य देखिदैन सरकार देखिदैन
अनुशासन देखिदैन यहाँ रोजगार देखिदैन
खेतहरू बाँझा देखिन्छन् बादरको रजाइँ
चलेका उद्योग व्यवसाय व्यापार देखिदैन
कहाँ जाँदै छन् मान्छेहरू अचेल हेर्नुस् त
गाउँ खाली छन् भीडभाड बजार देखिदैन
झुपडीहरू उहिले मजदुरी गर्न पुगि सके
अझै नि ब्युझिए जस्तो कोट टार देखिदैन
नागरिक नागरिकता छोड्न तयार छ बरु
तर शासक कुर्सी छोड्न तयार देखिदैन
तिमी भन्छौ आफ्नो भविष्य हेर्नुपर्छ भनेर
भिजेको आँखाले ऐनामा अनुहार देखिदैन