कञ्चनपुर । महेन्द्रनगरमा डिजी आईटी अनलाइन सप सञ्चालनमा आएको छ। सुदूरपश्चिम विश्वविद्यालयमा आईटी संकायमा अध्यनरत विद्यार्थीहरूले मिलेर महेन्द्रनगर बजारकाे गल्ली नम्बर-४ मा डिजी आईटी अनलाइन सप सञ्चालनमा ल्याएका हुन्।
उक्त आईटी सपको बुधबार एक कार्यक्रमका बीच सिईओ गाेकुल सिंह धामिकाे सभापतित्व र राष्ट्रिय स्वतन्त्र पार्टी सुदूरपश्चिम प्रदेशका इन्चार्ज ज्ञानेन्द्र सिंह महताकाे प्रमुख आतिथ्यतामा उद्वघाटन गरिएकाे छ ।
वर्तमान समयमा सुहाउँदो आधुनिक आईटीको प्रयोग गरी सिकेको सीपलाई प्रयोगमा ल्याई स्वरोजगार बन्ने उदेश्यका साथ आईटी सपले सेवा प्रदान गर्ने सिईओ गाेकुल सिंह धामिले बताए। उनले भने ‘हामिले पढ्दै, सिक्दै र कमाउदै गर्नु पर्छ भन्ने उदेश्य राखेर अनलाईनका सबै सेवा दिन सप सञ्चालनमा ल्याएका हौं।’
सपबाट वेब डिजाइन, भिडियो एडिटीङ लगायतका अन्य अनलाइन सपिङ्ग सेवा समेत प्रदान गरिने सिइओ धामीको भनाई रहेको छ। साथै माघ महिनाकाे १५ गते सम्म सपमा ३० प्रतिशत छुटकाे व्यवस्था समेत गरिएकाे सिइओ धामिले बताए ।
कार्यक्रमका प्रमुख अथिति एवम् राष्ट्रिय स्वतन्त्र पार्टी सुदूरपश्चिम प्रदेशका इन्चार्ज महताले पढ्दै गरेका विद्यार्थीले सिकेको सीप व्यवहारमा लागू गरी आय आर्जनमा जोड दिने लक्ष्य राखेर थालिएको कार्यको प्रशंसा गरे। उनले भने ‘ वर्तमान समयमा सिपमुलक शिक्षा बाँडेर व्यावहारिक जीवनमा लागू गरी आत्मनिर्भर बन्नु पर्ने आवश्यकता रहेको भन्दै सिइओ धामी सहित सम्पूर्ण टिमलाई बधाई तथा सफलताको शुभकामना व्यक्त गरे।
यस्तै विशिष्ट अतिथि एवम् सुदूरपश्चिम विश्वविद्यालयका शिक्षा शास्त्र प्रमुख नेगीले आफ्ना विद्यार्थीले गरेकाे कार्यकाे थालनी प्रती खुसि लागेकाे बताएका छन् । उहाँले “यसरी अहिलेकाे समय सापेक्ष विषय पढदै गरेका विद्यार्थीकाे एक समुहले आय आर्जनमा समेत सिपलाई प्रयाेगमा ल्याउने सुरुवात गरेको कार्य सुदूरपश्चिम विश्वविद्यालयका लागि एक उदाहरणीय प्रेेरणा बन्ने बताए ।”
उद्घाटन कार्यक्रममा विभिन्न क्षेत्रका प्रमुख, प्रतिनिधि लगायत सुदूरपश्चिम विश्वविद्यालयका विद्यार्थीहरूकाे सहभागिता रहेकाे थियाे।
Discussion about this post