दार्चुलामा अटो दुर्घटना हुदाँ ३ जना घाइते भएका छन् । जिल्लाको गोकुलेश्वर–देथला–बिटुले–पारिबगर सडक खण्डको कर्कले नजिकको ओसपमा अटो दुर्घटना हुदाँ चालक सहित तीन जना घाइते भएका हुन् ।
दुर्घटनामा चालकसहित तीन जना घाइते भएका छन् । शैल्यशिखर नगरपालिका–३ ओसपबाट गोकुलेश्वर आउँदै गरेको सुपप्र ०१००१ ह ५०३५ नम्बरको अटो विहिबार राति ओसप मोडमा दुर्घटना भएको थियो ।
प्रहरीका अनुसार घाइते हुनेहरुमा शैल्यशिखर–३ का अटो चालक ३३ वर्षीय रिकेश गोयला, २२ वर्षीय महेन्द्रबहादुर चन्द र ३२ वर्षीय हरि गोयला रहेका छन् । चालल गोयलाको खुट्टामा गम्भीर चोट लागेको छ। उनलाई थप उपचारको लागि धनगढी रिफर गरिएको छ । गोदावरी न्युज बाट सभार
Discussion about this post