शहीद दशरथचन्दको जन्मभूमी बैतडीमा जेष्ठ चार शहीदका शालिक निर्माण गरिएको छ । जिल्लाको पाटन नगरपालिका –४ ठाँडमा जेष्ठ चार शहीदका शालिक निर्माण कार्य सम्पन्न भएको जिल्ला समन्वय समिति बैतडीका पूर्व प्रमुख सिद्धराज भट्टले बताए ।
स्वर्गीय राजबहादुर चन्दले शालिक निर्माणका लागि शुरुवात गरेको कामलाई पूर्णता दिएर माघ १५ गते शालिक अनावरण कार्यक्रम समेत राखिएको उनले बताए ।
![Sana Kishan](https://sudurpashimkhabar.com/wp-content/uploads/2021/01/Sana-Kishan-scaled.jpg)
जेष्ठ शहीद शुक्रराज शास्त्री, धर्मभक्त माथेमा, दशरथ चन्द र गंगालाल श्रेष्ठको शालिक निर्माण गरिएको हो । ठाँड बजारको नजिकै शहीदका शालिक राखिएको उनले बताए ।
![World Link Ads](https://sudurpashimkhabar.com/wp-content/uploads/2023/09/Blue-And-White-Creative-modern-Grow-Your-Business-Leaderboard-Ad.gif)
![Mahakali Polytechnic](https://sudurpashimkhabar.com/wp-content/uploads/2024/06/महाकाली-बहुप्राविधिक-शिक्षालय.gif)
देशमा प्रजातन्त्र स्थापनाका लागि आफ्नो प्राणको आहूति दिने शहीदको सम्झनामा शालिक निर्माण गरिएको शालिक निर्माण समितिका संयोजक दीपक चन्दले बताए । शहरी विकास तथा भवन निर्माण कार्यालय, नगरपालिका, वडा कार्यालय र स्थानीयहरुको सहयोगमा शालिक निर्माण कार्य सम्पन्न भएको चन्दले बताए ।
![Dirghayu Ads](https://sudurpashimkhabar.com/wp-content/uploads/2024/06/Dirghayu.gif)
स्थानीय ठाउँमा शहीदका शालिक निर्माण भएपछि शहीदको इतिहासका बारेमा जानकारी लिन सहज हुने स्थानीय भागरथी भट्टले बताइन् । देशमा प्रजातन्त्रको स्थापनाका लागि आफ्नो प्राणको आहूति दिने शहीदको शालिक निर्माण हुनु राम्रो काम भएको उनले बताइन् । सगुन खबर बाट सभार
![Purnagiri Ads](https://sudurpashimkhabar.com/wp-content/uploads/2023/07/Brown-Minimalist-Fashion-Leaderboard-Ad.gif)