जनमत पार्टीका अध्यक्ष डा. चन्द्रकान्त (सीके) राउतले नवयुवा आन्दोलनको भावनालाई नबिर्सन सत्तारूढ राष्ट्रिय स्वतन्त्र पार्टी (रास्वपा) लाई आग्रह गर्नुभएको छ ।
चितवनको भरतपुरस्थित गेस्ट हाउस चौरमा आयोजित रास्वपाको प्रथम महाधिवेशनको उद्घाटन समारोहमा बोल्दै उहाँले नवयुवा आन्दोलनबाट प्राप्त जनविश्वास र आस्थालाई स्मरण गर्न र त्यसलाई कायम राख्न रास्वपालाई सुझाव दिनुभयो । आफू महाधिवेशनमा त्यसै उद्देश्यले सहभागी भएको पनि उहाँले बताउनुभयो ।
उहाँले भन्नुभयो, “नवयुवा आन्दोलनको भावनालाई नबिर्सनु होला भनेर सम्झाउन पनि म यो महाधिवेशनमा आएको हुँ। तपाईंहरू जुन आन्दोलनबाट उदय हुनुभयो, जुन जनआस्था र विश्वास प्राप्त गर्नुभयो, त्यसलाई कहिल्यै बिर्सनु हुँदैन भन्ने मेरो आग्रह हो। हाम्रो पार्टी फरक भए पनि देश बनाउने हाम्रो सपना तपाईँहरूमार्फत पूरा होस् भन्ने चाहन्छौं।”
अध्यक्ष राउतले रास्वपाले नवयुवा आन्दोलनका शहीदहरूको सपनालाई समेत आत्मसात गर्ने विश्वास व्यक्त गर्नुभयो ।
Discussion about this post