जाडो समयमा चिसोबाट बच्नु निकै महत्वपूर्ण हुन्छ। यस्तो मौसममा हामी शरीर तताउने उपाय खोजिरहन्छौं। जाडो महिनामा शरीर कसरी न्यानो बनाउने भन्ने चर्चा गरौं :
१. तह तहमा कपडा लगाउने
एकैपटक बाक्लो बाक्लो कपडा लगाउनु भन्दा तह तहमा कपडा लगाउदा शरीर न्यानो हुन्छ। जाडोमा बुनेका या रेशमको कपडाहरु लगाउँदा तातो हुन्छ। एकैपटक मोटो कपडा लगाउनुको सट्टा पातलो पातलो ताप दिने कपडा लगाउनु पर्छ।
२.खुट्टालाई तातो राख्नुहोस्
खुट्टालाई तातो बनाउनाले जाडोमा धेरै राहत हुन सक्छ। त्यसकारण घरमा बस्दा भित्र लगाउन मिल्ने चप्पलहरुको प्रयोग गर्नुपर्छ। साथै मोजा लगाउनाले पनि खुट्टा तताउन महत्वपूर्ण भूमिका खेल्छ। मोजा लगाउँदा कहिलेकसो पसिना आउने हुनाले मोजा फेरीरहनु पर्छ। खुट्टा तातो हुँदा सहजै निन्द्रा पनि पर्छ।
![World Link Ads](https://sudurpashimkhabar.com/wp-content/uploads/2023/09/Blue-And-White-Creative-modern-Grow-Your-Business-Leaderboard-Ad.gif)
![Mahakali Polytechnic](https://sudurpashimkhabar.com/wp-content/uploads/2024/06/महाकाली-बहुप्राविधिक-शिक्षालय.gif)
![Sana Kishan](https://sudurpashimkhabar.com/wp-content/uploads/2021/01/Sana-Kishan-scaled.jpg)
३. ओछ्यान तातो बनाउने
पुरै घरमा हिटरले तातो बनाउनु भन्दा सम्भव भएसम्म बिजुलीबाट तात्ने ब्लान्केट प्रयोग गर्नु उचित हुन्छ। यसले बिजुली पनि कम खपत हुन्छ र पैसा समेत बचत हुन्छ।
![Dirghayu Ads](https://sudurpashimkhabar.com/wp-content/uploads/2024/06/Dirghayu.gif)
४.घाम ताप्ने
दिउँसो एकैछिन समय मिलाएर घाम ताप्नाले शरीर न्यानो हुन्छ। दिउँसो घाम पर्ने कोठाका पर्दाहरु खोल्नाले कोठा पनि तातो हुन्छ।
५.सक्रिय रहने
शरीर सक्रिय रही रहंदा न्यानो हुन्छ। एकैछिन हिड्ने, हात खुट्टा चलाई रहने गर्नाले शरीरमा उर्जा रहीरहन्छ।
६. कोठा तातो बनाउनुहोस्
घरमा बाहिरबाट चिसो आउने, झ्याल, ढोका बन्द गर्नुहोस्। तर घर तातो बनाउने रहरमा सबै झ्याल ढोका बन्द गरेर बस्दा या सुत्दा उकुसमुकुस भएर मान्छेको ज्यान नै जान सक्छ त्यसैले विचार गर्नुपर्छ।
७. स्वस्थ र तातो खानेकुरा खाने
जाडो मौसममा सकेसम्म तातो तातो नै खानेकुरा खाँदा शरीरलाई फाईदा हुन्छ। स्वस्थ खानाले शरीरमा उर्जा दिईरहन्छ। जनसरोकार पोस्ट बाट सभार
![Purnagiri Ads](https://sudurpashimkhabar.com/wp-content/uploads/2023/07/Brown-Minimalist-Fashion-Leaderboard-Ad.gif)