बस्ती बगाउने गरी बर्षात होला लागेको थिएन
जिन्दगी यस्तो उल्कापात होला लागेको थिएन
आफ्नै भन्नेहरूले धेरै दुखाउदा रहेछन घाउहरू
तरबार चलाउने त्यही हात होला लागेको थिएन
त्यसैले होलान् जिन्दगी एउटा सफर हो भनेको
सडकमा हिड्दा मुलाकात होला लागेको थिएन
हुन त बाआमा पनि कागजले प्रमाणित गर्छ तर
प्रेमको पनि कुनै कागजात होला लागेको थिएन
![Dirghayu Ads](https://sudurpashimkhabar.com/wp-content/uploads/2024/06/Dirghayu.gif)