कञ्चनपुर – कञ्चनपुरको वेदकोट नगरपालिका ९ सुन्दरपुरमा रहेको उदयदेव माध्यमिक विद्यालयमा सिसिटिभी र बत्ती जडान गरिएको छ। विद्यालयको भौतिक संरचना र फर्निचर सुरक्षित राख्न विद्यालयमा सिसिटिभी जडान गरिएको विद्यालयका व्यवस्थापन समिति अध्यक्ष भरत बहादुर रोकायाले बताएका छन्। हाल विद्यालयमा १० वटा सिसिटिभी क्यामेरा र ४ वटा ठूला लाइट जडान गरिएको उनको भनाइ रहेको छ।
विद्यालय बन्द रहेको बेला स्थानीय केटाहरू पर्खाल नाघेर विद्यालयमा आएर विद्यालयको टेबल, डेस्क भाँचिदिने, पंखा तोड्ने, विद्यालय परिसरमा फोहोर गर्ने जस्ता अराजक गतिविधि हुन थालेपछी विद्यालयले सिसिटिभी जडान गरेको उनको भनाइ रहेको छ। साथै नयाँ शैक्षिक सत्रदेखि विद्यालयको प्रत्येक कक्षाकोठामा समेत सिसिटिभी जडान गरिने उनले बताएका छन्।
७ सय ५० विद्यार्थी रहेको उक्त विद्यालयमा २० जना शिक्षक र ३ जना कर्मचारी रहेका छन्। विद्यालयले प्राथमिक तहमा अङ्ग्रेजी माध्यमबाट कक्षा सञ्चालन गर्ने र ७ सय ५० विद्यार्थीलाई बढाएर नयाँ शैक्षिक सत्रमा १ हजार विद्यार्थी पुर्याउने लक्ष्य लिएको अध्यक्ष रोकायाले बताए। साथै उनले विद्यालयको स्तरोन्नतिका लागि निरन्तर खटिने बताएका छन्।
Discussion about this post