कञ्चनपुर । जनज्योति बहुमुखी क्याम्पसका शिक्षाशास्त्र सङ्कायमा अध्ययनरत विद्यार्थीहरूले महेन्द्रनगर स्थित समाज कल्याण अञ्चल बाल अनाथालयमा शैक्षिक सामग्री तथा फलफूल वितरण गरेका छन्।
क्याम्पसमा स्नातक र स्नातकोत्तर तहमा अध्ययनरत विद्यार्थीहरूले रकम संकलन गरेर अनाथालयमा रहेका २३ जना अनाथ बालबालिकाहरूलाई शैक्षिक सामग्री तथा फलफूल वितरण गरेको जनाइएको छ।
स्नातक तह चौथो वर्षमा अध्ययनरत कृष्ण जोशीले अनाथ बालबालिकाहरूलाई ३ दर्जन कापी, ३ प्याकेट कलम, १० ओटा औजारबक्स, ४० वटा इरेजर पेन्सिल सार्पनर ३० वटा र २१ एक्जाम सिट तथा २ केजी स्याउ, ३ केजी सुन्तला, २ दर्जन केरा २ प्याकेट चकलेट र १ बन्डल बिस्कुट सहित रु ५०-५० पकेट खर्च सहयोग गरिएको बताए।
जनज्योति बहुमुखी क्याम्पसका क्याम्पस प्रमुख प्रकाश जोशीले विद्यार्थीहरूले गरेको उक्त कार्यको प्रशंसा गरेको छन्। उनले भने ‘कलेजका विद्यार्थीहरूले यसरी अनाथ बालबालिकाहरूको पीडा बुझेर सहयोग गर्नु सराहनीय कार्य हो।’
Discussion about this post