महेन्द्रनगर । वेदकोट नगरपालिकाले सुत्केरी महिलाहरुलाई पोषण खानेकुराहरु वितरण गरेको छ । पालिकाले बिहिवार उपमेयर नवजात शिशु स्वागत कार्यक्रम अन्र्तगत सुत्केरी महिलाहरुलाई पोषण खानेकुराहरु वितरण गरिएको हो । जस अन्र्तगत अण्डा, घ्यु, दाल, चामल, काजु किसमिस, छुहारा, नरिवल, बदाम ज्वानो लगायतका पोषण खानेकुराहरु वितरण गरिएको कार्यक्रमका अध्यक्षता ग्रहण गर्नु भएका एवम उपप्रमुख तुलसी जोशीले बताउनु भयो ।
साथै नवजात शिशुहरुलाई आवस्यक पर्ने लुगाकपडा, तेल तौलिया, डाईपर लगायतका साग्रीहरु राख्न मिल्ने झोलासहित वितरण गरिएको उहाँले बताउनु भयो । पालिकामा रहेका सुत्केरी भएदिन देखी ४५ दिनका ५० जना सुत्केरी महिला तथा नवजात शिशुहरुलाई उक्त सामग्रीहरु वितरण गरिएको थियो । कार्यक्रमका प्रमुख अतिथी नगर प्रमुख भोजराज बोहराले सुत्केरी भएको अवस्थामा महिलाहरुलाई साविकको बढी पोषणयुक्त खानेकुराहरु खानु पर्ने भएकाले उनिहरुको स्वास्थ्यमा सकारात्मक परिवर्तनका साथै स्वस्थ्य जिवन जिउनका लागि सहज होस भनेर पालिकाले उपमेयर नवजात शिशु स्वागत कार्यक्रम ल्याएको सामग्रीले महिलाहरुलाई स्वस्थ्य राख्न मद्धत पुग्ने बताउनु भयो ।
यती मात्रै सामग्री नभएर आफनो घरमा रहेका हरियो सागपात, मेवा फलफुलहरु पनि प्रयोगमा ल्याएर खाने गर्नाले स्वस्थ्य शरिर हुने बताउनु भयो । नगरउपप्रमुख जोशीले महिलाहरुलाई पोषणका साथै आराम र स्वच्छ खानाखाने गर्नाले महिलाको साथै नवजात शिशुको पनि वृद्धि र विकास राम्रो हुने र आमा पनि स्वस्थ्य रहने बताउनु भयो । यो कार्यक्रम सानो भएपनि सन्देश मुलक कार्यक्रम रहेको र अन्य स्थानियले पनि सुत्केरी भएको बेलामा यस्तो पोषणयुक्त खानेकुरा आवस्यक पर्दछ, सबैले पोषण खानेकुरा लगायत आफनो गाँउघरमा रहेका हरिया सागपात फफुलहरुलाई सफा गरेर प्रयोग गर्नु पर्ने बताउनु भयो ।
यो कार्यक्रमलाई सचेतना मुलक भएको हुनाले परिवारका अन्य सदस्यहरुले पनि यो विषयलाई अनुसरण गर्दै नवजात शिशुको वृद्धि विकास गर्न यस्ता खानेकुराको प्रयोग गर्नाले नवजात शिशुको पनि मानसिक विकास साथै स्वस्थ्य शरिरको विकास हुने बताउनु भयो । -शुक्लाफाँटा खबर
Discussion about this post