शेयर बजार लगातार पाँचौँ कारोबार दिन घटेको छ । हप्ताको अन्तिम कारोबार दिन नेप्से परिसूचक २ अङ्कले घटेर २ हजार ६४९ दशमलव ५१ विन्दुमा झरेको छ ।
अघिल्लो शुक्रवार २ हजार ७०२ विन्दुमा रहेको नेप्से त्यसयता निरन्तर घटिरहेको हो । सोमवार १ दशमलव ४६, मङ्गलवार २६ दशमलव १६, बुधवार १४ दशमलव ४५ र बिहीवार ८ दशमलव ५० अङ्कले बजार घटेको थियो ।
आज होटल तथा पर्यटन, जलविद्युत्, म्युचुअल फन्ड, निर्जीवन बीमा र व्यापार समूहबाहेक सबै समूहको सूचक घटेको छ ।
आज १७० वटा कम्पनीको शेयर मूल्य घटेको छ भने ८५ वटा कम्पनीको बढेको छ । २० वटा कम्पनीको मूल्य स्थिर रहेको छ ।
आज कालिका लघुवित्तको शेयर साढे १० प्रतिशतभन्दा बढीले घटेको छ । बजार सामान्य घटेको दिन स्नो रिभर्स, टक्सार पिखुवा खोला हाइड्रोपावर र याम्बलिङ हाइड्रोपावरको शेयर १५ प्रतिशतले बढेको छ ।
नेप्से घटे पनि कारोबार रकम भने बढेको छ । हिजो २ अर्ब ८३ करोड रुपैयाँको कारोबार भएकोमा आज ३५९ वटा कम्पनीका ७७ लाख २७ हजार कित्ता शेयर ३ अर्ब ९४ करोड रुपैयाँ बराबरको कारोबार भएको छ ।
Discussion about this post