बैतडी– बैतडीका एक किशोर भारतमा बेपत्ता भएका छन् । जिल्लाको दोगडाकेदार गाउँपालिका वडा नं ५ न्वाली घर भएका जनक राम भुल भारतको बेँगलोरमा बेपत्ता भएका हुन् ।
उनि ५ दिन देखि बेपत्ता रहेका बेपत्ता किशोरका आफन्त डीआर विकले जानकारी दिए । शुक्रबार बिहान १० बजेतिर बेँगलोरको लालबाग देखि रामगोन्डनाहल्ली आइरहेका उनि बीच बाटो बाटै सम्पर्क विहीन भएका र अहिले सम्म सम्पर्कमा नआएका बेपत्ता किशोरका दाई डम्बर राम भुलले बताए ।
सिफारिस
५ दिन बिति सक्दा पनि भाइको अत्तोपत्तो नलागेको उनले बताए । भारतीय प्रहरीलाई पनि भाइको खोजिका लागि खबर गरेको उनको भनाई छ । जनक दुई वर्ष पहिले कामको सिलसिलामा भारत गएका बताइएको छ ।
गहुँगोरो वर्ण भएका जनक राम भुल लाई कहिं कतै कसैले देखे खबर गर्न पनि प्रवासि सबै नेपालीलाई आफन्तजनहरुले आग्रह गरेका छन् ।
(sagunkhabar.com बाट साभार)
