राष्ट्रिय स्वतन्त्र पार्टी (रास्वपा) को महाधिवेशन उद्घाटन समारोहमा नेपाली कांग्रेसका सभापति गगन थापा पनि सहभागी हुने भएका छन्। कांग्रेसले सभापति थापाको सहभागिताबारे आइतबार मात्रै निर्णय गरेको हो।
थापाको सहभागिता निश्चित भएसँगै उद्घाटन समारोहमा प्रधानमन्त्री बालेन्द्र (बालेन) शाह, रास्वपा सभापति रवि लामिछाने र कांग्रेस सभापति गगन थापा एउटै मञ्चमा उपस्थित हुने भएका छन्। महाधिवेशनमा सहभागी हुन प्रधानमन्त्री शाह आजै चितवन पुगिसक्नुभएको छ भने रास्वपा सभापति लामिछाने केही दिनदेखि चितवनमै रहँदै आउनुभएको छ।
रास्वपाले महाधिवेशन उद्घाटन समारोहमा विभिन्न राजनीतिक दलका शीर्ष नेताहरूलाई समेत आमन्त्रण गरेको छ। सोहीअनुसार नेकपा एमालेका नेता प्रदीप ज्ञवाली, नेकपाका नेता वर्षमान पुन तथा राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देन सहभागी हुने जनाइएको छ।
यता, श्रम संस्कृति पार्टीबाट भने कुनै प्रतिनिधि सहभागी नहुने बताइएको छ।
Discussion about this post