कञ्चनपुर । मासुम विष्टको नयाँ गीत ‘हाई स्यान्डल’ सार्वजनिक भएको छ। चर्चित गायक शेरे औजीको स्वरमा रहेको उक्त गीतमा मासुम विष्टकै शब्द, संगीत, निर्देशन तथा अभिनय रहेको छ।
कुमाउनी फ्लेवरमा तयार पारिएको यो गीतले यतिबेला नेपाल र भारत दुवै देशमा राम्रो चर्चा बटुलिरहेको छ। कञ्चनपुरको महेन्द्रनगर बजारकै विभिन्न ठाउँहरूमा छायांकन गरिएको यस गीतको भिडियोमा सेखा भट्ट र मासुम विष्टको अभिनय देख्न सकिन्छ।
यसअघि विष्ट र औजी सहकार्यमा आएको ‘ए रूपा’ गीत व्यापक रूपमा भाइरल भएको थियो। जसलाई नेपाल र भारत दुवै देशका श्रोता र दर्शकहरूले अत्यधिक रुचाएका थिए। ‘ए रूपा’ को सफलतापछि आएको ‘हाई स्यान्डल’ लाई पनि दर्शकहरूले उत्तिकै माया गरिरहेका छन्।
निर्देशक विष्ट र गायक औजी विगत लामो समयदेखि सुदूरपश्चिमको मौलिकता, कला र संस्कृतिको प्रवर्द्धनमा निरन्तर कार्य गर्दै आइरहेका छन्। उहाँहरूले सिर्जना गर्ने यस्ता गीत-संगीतले नेपाल र भारत दुई देशबीचको सांस्कृतिक सम्बन्धलाई समेत थप बलियो बनाउन महत्वपूर्ण भूमिका खेलिरहेको छ।
Discussion about this post