काठमाडौं – सरकारले आज र भोलि देशभरिका बालबालिकालाई भिटामिन ‘ए’ र जुकाको औषधि खुवाउन सुरु गरेको छ । राष्ट्रिय भिटामिन ‘ए’ कार्यक्रमअन्तर्गत स्वास्थ्य तथा जनसङ्ख्या मन्त्रालयले दुई दिनसम्म भिटामिन ‘ए’ क्याप्सुलसँगै जुकाको औषधि पनि खुवाउने व्यवस्था गरेको हो । स्वास्थ्य सेवा विभागको पोषण शाखा प्रमुख लिलाविक्रम थापाका अनुसार ६ महिनादेखि ५९ महिनासम्मका झण्डै २२ लाख बालबालिकालाई भिटामिन ‘ए’ खुवाइँदैछ ।
यस्तै, एक वर्षदेखि पाँच वर्षमुनिका करिब २० लाख बालबालिकालाई जुकाको औषधि ब्दिभलमबशयभि खुवाउने कार्यक्रम सञ्चालन गरिएको छ ।यस अभियानका लागि देशभरका पालिकामा पायक पर्ने स्थानमा खोप केन्द्र स्थापना गरिएको छ भने झण्डै ५२ हजार महिला स्वास्थ्य स्वयंसेविका र १५ हजार स्वास्थ्यकर्मी परिचालन गरिएका छन् ।
स्वास्थ्यकर्मीका अनुसार भिटामिन ‘ए’ ले बालबालिकाको रोग प्रतिरोधात्मक क्षमता बढाउनुका साथै शारीरिक वृद्धि विकासमा सहयोग पुर्याउँछ । त्यस्तै जुकाको औषधिले पेटका किरा हटाएर कुपोषण, रगतको कमी, पेट दुख्ने र झाडापखालाजस्ता समस्या न्यूनीकरण गर्न मद्दत गर्छ । नेपालमा हरेक वर्ष कात्तिक र वैशाख महिनामा बालबालिकालाई भिटामिन ‘ए’ र जुकाको औषधि निःशुल्क खुवाउने कार्यक्रम सञ्चालन हुँदै आएको छ ।
Discussion about this post