काठमाण्डौ — ठूलो वर्षा र त्यसबाट बाढीपहिरोलगायतका विपद्को जोखिम बढ्न सक्ने भन्दै स्वास्थ्य तथा खाद्य स्वच्छता मन्त्रालयले देशभरका अस्पताल तथा स्वास्थ्य संस्थालाई तयारी अवस्थामा रहन निर्देशन दिएको छ।
मन्त्रालयले अस्पतालमा आवश्यक जनशक्ति, औषधि तथा स्वास्थ्य सामग्री पर्याप्त राख्न र आकस्मिक स्वास्थ्य सेवा निरन्तर सञ्चालन हुने व्यवस्था मिलाउन आग्रह गरेको छ।
सम्भावित विपद्का घटनामा बिरामीको स्थानान्तरण तथा रेफरल सेवा सहज बनाउन, एम्बुलेन्स सेवाको प्रभावकारी समन्वय गर्न र आवश्यकताअनुसार सङ्घीय तथा प्रदेशस्तरका स्वास्थ्य आपत्कालीन कार्यसञ्चालन केन्द्रसँग समन्वय गर्न पनि मन्त्रालयले भनेको छ।
वर्षाका कारण हुन सक्ने स्वास्थ्य जोखिमलाई मध्यनजर गर्दै तत्काल स्वास्थ्य सेवा उपलब्ध गराउन आवश्यक पूर्वतयारी गर्न सबै स्वास्थ्य संस्थालाई मन्त्रालयले आग्रह गरेको छ।
Discussion about this post