काठमाडौं । नेपालले उखुको उत्पादकत्व र चिनीको मात्रा बढाउने लक्ष्यसहित भारतबाट उखुका चार उन्नत जात भित्र्याएको छ ।
भारत सरकारले नेपाललाई सिओएलके–१६२०२, सिओएलके–१६४७०, सिओएस–१७२३१ र सिओएस–१८२३१ जातका उखु उपलब्ध गराएको हो । यी जात भारतीय उखु अनुसन्धान संस्थानले विकास गरेका हुन् ।
नेपाल कृषि अनुसन्धान परिषद् (नार्क) अन्तर्गत राष्ट्रिय उखुबाली अनुसन्धान कार्यक्रमले ती जातलाई दुई वर्षसम्म विभिन्न अनुसन्धान केन्द्रमा परीक्षण गर्नेछ । परीक्षणपछि उपयुक्त जात दर्ता गरी किसानसम्म पुर्याउने योजना छ ।
नयाँ जातको सफल विस्तारले उखु उत्पादन बढाउनुका साथै नेपाललाई चिनीमा आत्मनिर्भर बनाउन सहयोग पुग्ने नार्कको विश्वास छ ।
Discussion about this post