चियालाई फेरि तताएर खानु हुन्छ कि हुँदैन ?

चिया नपिउँदासम्म धेरैजसो मानिसहरूको दिन नै सुरु हुँदैन ।

अफिसको बिदा समय होस् वा घरमा पाहुनाहरूको आगमन होस् वा दिनभरिको थकान मार्न साँझको एक क्षणको आराम नै किन नहोस्, एक कप चियाले सबैलाई ताजा महसुस बनाउँछ ।

कुनै कुनै घरमा चियाको लत यस्तो हुन्छ कि एकै पटकमा धेरै चिया बनाएर राख्ने अनि बेला बेला तताएर त्यसलाई खाने गरिन्छ । कहिलेकाहीँ उब्रिएको चिया फ्याक्न माया लागेर पनि हामी त्यसलाई तताएर खाइदिन्छौँ । तर बहाना जेसुकै होस्, चियालाई यसरी बारम्बार तताएर खानुहुन्न । के तपाईंलाई यो कुरा थाहा छ ?

तपाईं पनि चिया बारम्बार तताएर खानेमा पर्नुहुन्छ भने आजैदेखि यो बानी छाड्नुहोस् । चियालाई फेरि तताएर खाँदा यसको स्वाद त बिग्रन्छ नै, यसको सेवनबाट पाइने लाभ पनि नष्ट हुन्छ र उल्टै हानि गर्छ । आज हामी चियालाई बारम्बार तताएर खाँदाको बेफाइदाबारे चर्चा गर्छौँ ।

स्वादः चियाको वास्तविक स्वाद यसको ताजापनमै निहित हुन्छ । तर, जब चिया चिसो हुन्छ अनि यसलाई फेरि तताइन्छ, यसमा रहेका ट्यानिन र अन्य तत्त्वहरू अक्सिडाइज हुन्छन् र चियालाई तीतो बनाउँछ । कहिलेकाहीँ, यो स्वाद यति खराब भइदिन्छ कि यसलाई पिउन नै गाह्रो हुन सक्छ ।

एन्टिअक्सिडेन्टहरू नष्ट हुन्छन्ः ताजा चियामा एन्टिअक्सिडेन्टहरू हुन्छन् जसले शरीरलाई हानिकारक तत्त्वहरूबाट बचाउन सक्छ । यद्यपि, चिया पुनः तताउँदा एन्टिअक्सिडेन्टहरू घट्दै जान सक्छन् र यसमा रहेको पोषक तत्त्वहरू नष्ट हुन सक्छन् । त्यसैले एक पटक पकाइसकेको चियालाई फेरि फेरि तताउनु हुँदैन ।

एसिडिटीः चियालाई दोहो¥याएर तताएर पिउँदा ग्यास, एसिडिटी, पेट पोल्ने र वाकवाकी लाग्ने जस्ता समस्याहरू हुन सक्छन् । पहिले नै यी समस्याहरूबाट पीडितले त झन् चिया तताएर खानु हानिकारक साबित हुन सक्छ ।

ब्याक्टेरियाः चियालाई लामो समयसम्म त्यसै छोडियो र फेरि तताइयो भने, यसमा ब्याक्टेरिया बढ्न सक्छ । चियालाई बारम्बार तताउँदा यी ब्याक्टेरियाहरू नष्ट हुँदैनन् बरु चियासँगै तिनीहरू हाम्रो शरीरमा प्रवेश गर्छन् । यो संक्रमण वा पेट खराबको कारण बनिदिन सक्छ ।

अस्वीकरणः यो सामाग्री अनलाइन जानकारीका आधारमा तयार पारिएको हो ।