पर्याप्त निद्रा पुग्दैन ?

पर्याप्त निद्रा हरेकका लागि निकै जरुरी छ । स्वस्थ शरीरको लागि राम्रो निद्रा आवश्यक छ ।

निद्राको कमीले शरीरलाई जतिबेला पनि थकित महसुस गराउँछ र धेरै घातक रोगहरू पनि निम्त्याउन सक्छ । कम सुत्दा शरीरमा नकारात्मक प्रभाव पर्छ, जसले गर्दा धेरै गम्भीर स्वास्थ्य समस्याहरू पैदा हुन सक्छ ।

तपाईं पनि दैनिक ७–८ घण्टाभन्दा कम समय सुत्नुहुन्छ भने तत्कालै यो बानी परिवर्तन गर्नुहोस् । पर्याप्त निद्रा नपुग्दा शरीरलाई यी हानि हुन सक्छः

– निद्राको कमीले मुटुको स्वास्थ्यमा प्रत्यक्ष असर गर्छ । त्यसैले, कम सुत्ने मानिसहरूलाई मुटु रोगको जोखिम हुन्छ । कम सुत्दा मुटुको मांसपेशी कमजोर हुन्छ, जसले हृदयघात र स्ट्रोकको जोखिम बढाउन सक्छ ।

– निद्राको कमीले उच्च रक्तचाप बढाउन सक्छ । जब निद्रा अपर्याप्त हुन्छ, शरीरले तनाव हार्मोन कोर्टिसोल बढी निस्कन्छ, जसले रक्तचाप बढाउँछ ।

–निद्राको कमीले शरीरलाई आराम गर्नबाट रोक्छ, जसले इन्सुलिन सन्तुलनमा बाधा पुर्‍याउन सक्छ र मधुमेहको जोखिम बढाउन सक्छ ।

– कम निद्राले मोटोपन निम्त्याउन सक्छ । कम सुत्ने मानिसहरूको शरीरमा घ्रेलिन हार्माेनको स्तर बढ्छ । यो हर्माेनले भोक बढाउँछ, जसले गर्दा जतिबेला पनि खान मन लाग्ने भइरहन्छ र मोटोपनाको सिकार भइन्छ ।

– जब हामी सुतिरहेका हुन्छौं, शरीरले पनि आराम गर्छ र प्रतिरक्षा प्रणाली बलियो रहन्छ । यद्यपि, निद्राको कमीले प्रतिरक्षा कमजोर हुन्छ ।

राम्रो र गहिरो निद्रा कुनै औषधि भन्दा कम हुन्न । हरेक दिन ७ देखि ८ घन्टा सुत्ने मानिसको प्रतिरक्षा प्रणाली बलियो हुन्छ । यसले कयौं रोगसँग लड्न मद्दत गर्छ । तपाईंको निद्रा राम्रो छैन । राति बारम्बार ब्यूझिरहनु हुन्छ भने छिट्टै नै चिकित्सकलाई भेट्नुहोस् ।