काठमाडौँ। बङ्गालको खाडीबाट आएको जलवाष्पयुक्त मनसुनी वायुको प्रभावले देशभर वर्षाको असर परेको छ । जसका कारण काठमाडौँमा निरन्तर झरी परिरहेको छ। रातभर वर्षा भएसँगै खोलानालामा पानीको बहाव बढेको छ।
मौसम पुर्वानुमान महाशाखाका अनुसार आज दिउँसो देशभरको मौसम साधारणतया बदली रहनेछ। कोशी, मधेश, बागमती, गण्डकी र लुम्बिनी प्रदेशका पहाडी र तराई भू(भागका धेरै स्थानहरूमा तथा बाँकी प्रदेशका केही स्थानहरूमा मेघगर्जन चट्याङसहित मध्यम वर्षाको सम्भावना रहेको छ।
महाशाखाका अनुसार कोशी, मधेश, बागमती र गण्डकी प्रदेशका पहाडी र तराई भू(भागका थोरै स्थानहरूमा तथा लुम्बिनी प्रदेशका तराई भू(भागका एक(दुई स्थानमा भारी वर्षाको सम्भावना छ। यसका अतिरिक्त, मधेश प्रदेश, बागमती प्रदेश र गण्डकी प्रदेशका पहाडी र तराई भू(भागका एक(दुई स्थानमा धेरै भारी वर्षाको समेत सम्भावना रहेको विभागले जनाएको छ।
आज राति कोशी, मधेश, बागमती र गण्डकी प्रदेशमा अधिकांश बदली रही बाँकी प्रदेशमा साधारणतया बदली रहनेछ। कोशी, मधेश, बागमती र गण्डकी प्रदेशका पहाडी र तराई भू(भागका अधिकांश स्थानहरूमा, लुम्बिनी प्रदेशका पहाडी र तराई भू(भागका धेरै स्थानहरूमा तथा बाँकी प्रदेशका केही स्थानहरूमा मेघगर्जन चट्याङसहित मध्यम वर्षा हुने सम्भावना छ।
राति पनि वर्षाको तीव्रता उच्च रहने देखिएको छ। कोशी, मधेश, बागमती र गण्डकी प्रदेशका पहाडी र तराई भू(भागका केही स्थानहरूमा तथा मधेश प्रदेश लगायत लुम्बिनी प्रदेशका तराई भू(भागका एक(दुई स्थानमा भारी देखि धेरै भारी वर्षाको सम्भावना रहेको विभागले जनाएको छ।
भारी वर्षाका कारण बाढी, पहिरो र सडक अवरोध को जोखिम बढ्ने भएकाले सबैलाई सतर्कता अपनाउन र आवश्यक सावधानीसहित सुरक्षित यात्रा गर्न महाशाखाले अनुरोध गरेको छ। हाम्रा कुरा
Discussion about this post