कञ्चनपुर । खप्तड युवा क्लबले ज्येष्ठ नागरिकलाई सम्मान सहित न्यानो कपडा वितरण गरेको छ। वेदकोट नगरपालिका वडा नम्बर १० मा रहेको खप्तड युवा क्लबले बुधबार एक कार्यक्रमको आयोजना गर्दै ज्येष्ठ नागरिकलाई सम्मान सहित न्यानो कपडा (कम्बल) वितरण गरेको हो।
क्लबका संस्थापक अध्यक्ष तेज कठायतले देउसी भैलो कार्यक्रमबाट सङ्कलित रकमबाट ज्येष्ठ नागरिकलाई खादा र माला लगाएर सम्मान गरिएको बताए। साथै कार्यक्रममा १० जना ज्येष्ठ नागरिकलाई न्यानो कपडा (कम्बल) वितरण गरिएको उनले बताए।
कार्यक्रममा होटल व्यवसायी सङ्घ कञ्चनपुरका अध्यक्ष रामचन्द्र रेग्मीको प्रमुख आतिथ्य रहेको थियो भने क्लबका अध्यक्ष बिर बहादुर खातीको सभापतित्व रहेको थियो। साथै उक्त कार्यक्रममा स्थानीय समाजसेवी हरिस भाट, खडक सिह कठायतको विशिष्ट आतिथ्य रहेको थियो।
न्यानो कपडा वितरणमा होटल व्यवसायी सङ्घ कञ्चनपुर र स्थानीय समाजसेवी हरिस भाटले सहयोग गरेको क्लबले जनाएको छ।
