कञ्चनपुर । कञ्चनपुरको भीमदत्त नगरपालिका ६ नम्बर वडाध्यक्षमा नेपाली काँग्रेसका उम्मेदवार प्रकास बहादुर चन्द निर्वाचित भएका छन ।
काँग्रेसका उम्मेदवार प्रकाश बहादुर चन्दले एमाले उम्मेदवार बहादुर चन्दलाई ६२० मतको अन्तरले हराउँदै वडाध्यक्षमा निर्वाचित भएका हुन् । काँग्रेसका उम्मेदवार चन्दले १ हजार १०७ र एमाले उम्मेदवार बहादुर चन्दले ४ सय ८७ मत ल्याएका थिए ।
तेस्रो पटक चुनाव लडेका राप्रपा उम्मेदवार सुशील कुमार भट्टले ३ सय ६९, पहिलो पटक चुनावमा होमिएको राष्ट्रिय स्वतन्त्र पाटीका उम्मेदवार रामदत्त भट्टले २ सय १८, नेकपा एकीकृत समाजवादीका उम्मेदवार जितेन्द्र चन्दले २सय २५, नेकपा माओवादी उम्मेदवार नानाराम ओलीले १ सय २२, राप्रपा नेपालका उम्मेदवार दिल बहादुर धामीले २४, नागरिक उन्मुक्ति पाटीका उम्मेदवार हरिस डगौराले १२६, नेमकीपा उम्मेदवार दल बहादुर बोहराले १२, जनमत पाटीका उम्मेदवार यादव चन्दले ५, स्वतन्त्र उम्मेदवार थानेश्वर प्रसाद लेकखकले १४२ र अर्का स्वतन्त्र उम्मेदवार युवराज चन्दले ९९ मत ल्याएका थिए । कुल ५ हजार ४२३ मतदाता रहेको उक्त वडामा २ हजार ९९१ मत खसेको र ५४ मत बदर २ हजार ९३७ मत सदर भएका थिए ।
अहिले नेपाली काँग्रेस भीमदत्त नगर ५ कै वडा सभापति समेत रहेका प्रकाश बहादुर चन्दले पनि यस अघि ०७९ मा काङ्ग्रेसकै उम्मेदवार स्व. महेन्द्र खड्का भन्दा ४ मत बढि ल्याएका छन । उतिबेला काँग्रेसले १ हजार १०३ मत ल्याएको थियो ।
एमाले र काँग्रेसका उम्मेदवार काका भतिज, एमाले, राप्रपा उम्मेदवार मितज्यू, एमाले, समाजवादी उम्मेदवार बाजे-नाती रहेको छ । काँग्रेस, एमाले, समाजवादी र राप्रपाका उम्मेदवार एकै भगवती टोलमा रहेका छन ।
भीनपा ६ को उप निर्वाचनमा एमालेबाट काका बहादुरलाई हराउँदै भतिज प्रकाश बहादुर चन्द भारी मतले निर्वाचित भएका छन । भीनपा ६ को वडा पुन: काँग्रेसले नै कब्जा गर्न सफल भएको छ । निर्वाचित भएपछि काँग्रेस उम्मेदवार प्रकाश बहादुर चन्दले चुनावमा जनतासँग गरेका बाचा पुरा गर्ने प्रण गरेका छन ।
उनले चुनावका बेला जनतासँग गरेका बाचादेखि स्व. महेन्द्र खड्काले अघि सारेका योजना कार्यान्वयन गर्ने बताए । यस पटक उप निर्वाचनमा एमाले, समाजवादी र राप्रपाको जनमत घटेको छ ।
मुख्य निर्वाचन अधिकृत लिलाराज अधिकारीले आइतबारै मध्यरातमा मत गणना सम्पन्न भएको बताए । कञ्चनपुरमा सम्पन्न भएको उप निर्वाचन भयरहित वातावरणमा सम्पन्न भएको छ ।
Discussion about this post