कञ्चनपुर। कञ्चनपुरको भीमदत्त नगरपालिका ६ वडाध्यक्ष पदका लागि आइतबार भएको उप निर्वाचनमा आधा भन्दा केही मात्रै मत खसेको छ । जिल्ला निर्वाचन कार्यालय कञ्चनपुरका प्रमुख उदय प्रकाश जोशीले २ हजार ९ सय ९१ मत खसेको बताए ।
१ हजार ६ सय ६ महिला र १ हजार ३ सय ८५ पुरुषले मतदान गरेका छन । कुल ५ हजार ४३४ मतदाता मध्ये २ हजार ९९१ मात्रै मत खसेका हुन । ५५ प्रतिशत मात्रै मतदान भएको छ । १ सय ४ बढी महिला मतदाता रहेकोमा अहिले २ सय २१ बढि महिलाले मतदान गरेका छन् ।
२ हजार ६६५ पुरुष, २ हजार ७६९ महिला रहेका छन । उक्त वडामा आधिकांश युवा विदेश भएकाले मत कम खसेको अनुमान गरिएको छ । मतदान स्थलदेखि केही बेरमै भीनपा ६ वडा कार्यालय मुख्य निर्वाचन अधिकृतको कार्यालयमा मत गणना गर्ने तयारी भइरहेको छ ।
एक वडाध्यक्ष पदका लागि दुई स्वतन्त्र सहित १० दलका उम्मेदवार चुनावी मैदानमा थिए । कञ्चनपुरका प्रमुख जिल्ला अधिकारी नारायण प्रसाद सापकोटाले शान्तिपूर्ण रुपमा मतदान सकिएको र सोही अनुप मत गणना गर्नुपर्नेमा जोड दिएका छन् ।
यसरी झण्डै आधा भन्दा कम मतदान खसेपछि नागरिक चिन्तित भएका छन् ।
