ऊ सधैं मेरो साथ छ ….

ऊ सधैं मेरो साथ छ

जहाँ उसको संसार म

मेरो संसार त्यो जहाँ

खुसीहरुको बास छ

जहाँ देखावटी केही हुन्न

बुझ्ने गर्छौ कुरा जहाँ

झुटलाई तिरस्कार छ

जहाँ भेदभाव केही छैन्

दुइटै समान छौं जहाँ

हाम्रो प्रेमलाई सम्मान छ

उसको मुस्कानमा मेरो खुसी

मेरो खुसीमा उस्को मुस्कान

जहाँ, ऊ धेरैनै खास छ

जहाँ हराउछु उसको नयनमा

लाग्छ नयनमा उसको जहाँ

देवी-देवताको बास छ

जहाँ प्रेम रहनेछ अमर

टुट्ने छैनन् कसम जहाँ

हामीलाई पूर्ण विश्वास छ

ओहो! कति सुखमय छ है

मेरो काल्पनिक संसार पनि

जहाँ, शरीर मेरो छ अनि

फेर्ने सास उसको जहाँ।