तिमी
यसरी नआउनु पर्ने
एकान्त मध्यरात कुरेर
अनकन्टार
दुर्गम डाडाहरूमा
गरीबका झुपडी भत्काउन
चिसो रातमा
आमाको न्यानो तापिरहेका
निर्दोष बालकहरू
निस्वार्थ आमाहरू
कहिल्यै
न्यानो हुन नपर्ने गरि
लिएर जान
तिमी
यसरी नआउनु पर्ने
मरेकाहरू लाई मार्न
विवश बस्तीहरू तहसनहस पार्न
बरु
आउनु पर्ने तिमी
भ्रष्टाचारीहरूका अड्डाहरूतिर
दलालहरूका महलहरूतिर
आतङ्कवादीहरूका बङ्करहरूतिर
नवधनाड्यहरूका दरबारहरूतिर
कठमुल्लावादीहरूका बैठकहरूतिर
तिमी
यसरी नआउनु पर्ने
अध्यारोमा बाँचिरहेका
अभाव भोगिरहेका
सरकारद्वारा ठगिएका
विवश बस्तीहरूमा
तवाही मचाउन
विवश मान्छेहरू मार्न
छक्याएर मध्यरातमा
तिमी नआउनु पर्ने यसरी
✍️ धर्मानन्द भट्ट
