कञ्चनपुर : वेदकोटमा किशोर किशोरी र अभिभावक सरोकारवालाहरूलाई लागू औषध दुर्व्यसन तथा मदिरा नियन्त्रण सम्बन्धी अभिमुखीकरण कार्यक्रम सम्पन्न भएको छ ।
उक्त कार्यक्रम वेदकोट नगरपालिकाका नगर प्रमुख भोज राज बोहराको प्रमुख आतिथ्यमा तथा वेदकोट नगरपालिकाका उप प्रमुख तुलसी जोशीको सभापतित्वमा सम्पन्न भएको हो।
दिन प्रतिदिन लागू औषध दुर्व्यसन तथा मदिरा प्रयोगकर्ता बढ्दै गए पछि विभिन्न संघ संस्थाले जनचेतना मूलक कार्यक्रम सञ्चालन गर्दै आएका छन ।
अहिले समाजमा लागू औषध दुर्व्यसन तथा मदिराले गर्दा किशोर किशोरीले अकालमै ज्यान गुमाउनु परेको छ। सरकारले प्रतिबन्ध गरेको औषधी लुकिछिपी बजारमा सहजरूपमा बेचबिखन गरेको पाइन्छ ।
कार्यक्रमका सभापति नगर उप प्रमुख तुलसी जोशीले यसको निराकरण गर्न सबैले लाग्नु पर्ने, याे अहिलेको विकराल समस्याको रूपमा रहेको छ, यसलाई जरैबाट उखाल्न यस प्रकारका जनचेतना मूलक कार्यक्रम आवश्यक रहेको बताइन् ।
कार्यक्रममा जिल्ला प्रहरी कार्यालय कञ्चनपुरका प्रहरी निरीक्षक हर्ष बहादुर चन्दको समेत सहभागिता रहेको थियो ।
वक्ताहरूले लागू औषध तथा मदिरा नियन्त्रणको लागि सबैले आआफ्नो घर बाटै नियन्त्रण गर्नुपर्नेमा जाेड दिएका थिए।
कार्यक्रमका प्रमुख अतिथि नगर प्रमुख भाेज राज बोहराले ‘दुर्व्यसन बाट युवा युवतीले बाच्न जरूरी छ। दुर्व्यसन एक प्रकारको रोग भएकाले यसको रोकथाम गर्नु पर्छ । जनचेतना मूलक कार्यक्रम सञ्चालन गर्न जरूरी रहेको बताए । त्यसैगरी मदिराले धेरैको घरबार बिगारेको छ। याे पनि समाजकाे राेगकाे रूपमा स्थापित भएकाे छ । ‘
कार्यक्रम वेदकाेट नगरपालिका नगर कार्यपालिकाका कार्यालय महिला बालबालिका तथा ज्येष्ठ नागरिक शाखा कञ्चनपुरले आयाेजना गरेकाे थियाे । कार्यक्रम सञ्चालन सुनिता भट्टले गर्नु भएको थियाे ।
Discussion about this post