मनिषा भट्ट, कञ्चनपुर – कञ्चनपुरको वेदकोट नगरपालिकामा इन्द्रेणी कृषि सहकारी संसथा लिमिटेडले शुक्रवार २० औं राष्ट्रिय धान दिवस मनाएको छ ।
“जलवायु अनुकुलित कृषक मैत्री प्रवीधि, धान उत्पादनमा बृद्धि” भन्ने मुलनारा लीएर मनाएको धान दिवसमा प्रमुख अतिथि वेदकोट नगरपालिकाका नगर प्रमुख भोजराज बोहरा रहनु भएको थियो ।
कार्यक्रमा वोल्दै नगरप्रमुख बोहराले भन्नु भयो ‘आजको दिनलाई मानो रोपेर मुरी उब्जाउने’ पनि भन्ने गरिन्छ ।’ हाम्रो नगरमा वढी किसान भएको नगर भएकाले अहिले आर्थिक संकटको वेला समेत हामिले अन्य शाखाहरुको वजेटमा कटौती गरिए पनि कृषि शाखाको भने वजेट काटेका छैनौं । कृषि क्षेत्रको बिकासका निम्ती नगरले बिभिन्न कार्यक्रम गरिरहेको उनले बताए ।
उनले भने अहिले कञ्चनपुर र कैलालीमा लागु औषतको विकविगि वडेको छ । काहीँ कतै हाम्रा नानि वावुहरु कुलतमा त परेका छ्रैनन् अव अभिभावकहरुले पनि आफ्ना नानि वावुहरु के गरिरहेका छन कता जादै छन भन्ने बुझनु जरुरी छ ।
वेदकोट नगरपालिकाले सबै बिरोजगार युवाहरुलाई रोजगार दिन नसकेपनि नगरका युवा हरुलाई थुप्रै शिपमुलक तालिम सञ्चालन गरेको नगरप्रमुख बोहराले जानकारी गराए ।
बेदकोट नगरपालिकाकोे सहयोगमा किसानहरुलाई ५० प्रतिशतमा अनुदान सहयोगमा कृषि उपकरण तथा औजारहरु इन्द्रेणी कृषि सहकारी संस्थाका अध्यक्ष शिवराज भट्टलाई वुझाएका छन ।
कार्यक्रममा बेदकोट नगरपालिकाका उपप्रमुख तुलसी जोशी, वेदकोट नगरपालिका वडा नंं.९ अध्यक्ष जनक सिहं विष्ट, कार्यपालिका सदस्य पार्वती विष्ट, पवन नेपाली लगाएत वडा सदस्यहरु, कृषि शाखा प्रमुख तथा कृषि अधिकृत, संघ संस्थाका प्रतिनिधि, राजनितिक दलका प्रतिनिध समेतको उपस्थीती रहेको थियो ।
Discussion about this post