कञ्चनपुर - वेदकोट नगरपालिकामा योग शिविर आयोजना भएको छ। नवौँ अन्तर्राष्ट्रिय योग दिवसको अवसरमा वेदकोट नगरपालिका र पतञ्जलि योग समिति वेदकोटको संयुक्त आयोजनामा बुधबार योग शिविर आयोजना भएको हो।
सिफारिस
उक्त योग शिविरमा पतञ्जलि योग समिति वेदकोटका अध्यक्ष भगिरथ भट्टको सभापतित्व तथा वेदकोटका नगर प्रमुख भोजराज बोहराको प्रमुख आतिथ्य रहेको थियो।
"योगा गरौँ रोग हटाउँ" भन्ने मूलनाराका साथ वेदकोट नगरपालिकाको सभाहलमा योग शिविर सम्पन्न भएको पतञ्जलि योग समिति वेदकोटका अध्यक्ष भगिरथ भट्टले बताउनुभयो। उक्त योग शिविरमा वेदकोट नगर कार्यसमितिका पदाधिकारी लगायत स्थानीयहरूको भव्य उपस्थिति रहेको थियो।
