यो भूमी हाम्रो हो गिद्दे नजर नलाएकै राम्रो ….

मुलुकको स्वाभिमान गिरेको बखत गरिन्छ
हो उपलब्धिहीन प्रयत्नहरू फगत गरिन्छ
यो भूमी हाम्रो हो गिद्दे नजर नलाएकै राम्रो
कसैले गरेको भए पनि बैना जफत गरिन्छ
झिना मसिना कुरा आफै छेउ लाग्छन् अब
हिसाब किताब गरिन्छ जम्मा लगत गरिन्छ
सचेत बन्नुपर्छ हल्लाहरू सत्य हुन सक्छन्
राजनीतिमा दलालहरूलाई नफरत गरिन्छ
त्यसैले राजनीति बन्छ देशको प्रधाननीति
जब अनेक तरहले व्यक्त अभिमत गरिन्छ