यात्रा हो जीवन चौराहा कति गए कति आए
म यात्री बने एकान्त जङ्गल चौराहामा रमाए
प्राप्ती समाप्ति चक्रवत घुम्दो रहेछ यात्रामा
जटिलता कति अझै बाकी छ कति सुल्झाए
हो नियती रहेछ जीवन कयौं उदाहरण हेर्नू
कोहि चाडै मगमाए कोहि पछिसम्म गन्हाए
जनताको हड्डी बालेर आगो ताप्नेहरू सुन्नुस
उज्यालो बने अरुको लागि जिन्दगी जलाए
केही पाउन पनि त केही गुमाउनु पर्दो रहेछ
सिद्धार्थ गौतम पनि गौतम बुद्ध बनेर उदाए