महेन्द्रनगर । बेलौरी नगरपालिका ८ पचुँईकी अन्दाजी ४२ वर्षीय गंगा चन्दलाई बाघले आक्रमण गरी शुक्रबार बेपत्ता बनाएको छ। खेतमा घाँस काट्न गएका बेला चन्दलाई बाघले आक्रमण गरेको हो ।
इलाका प्रहरी कार्यालय बेलौरीका प्रहरी निरीक्षक सुदीपचन्द्र शाहका अनुसार बाघको आक्रमणपश्चात् बेपत्ता भएकी चन्दको खोजी कार्य भइहेको छ ।
“ड्रोन क्यामेरामार्फत बाघ र महिलाको खोजी गरिरहेका छौं” उनले भने, “बाघ उखुबारीमा हुन सक्ने अनुमान छ।” चन्दसँगै घाँस काट्न गएका अरू महिलाहरुले भागेर ज्याउन जोगाएको स्थानीय भनाइ छ ।
सँगै गएका महिलाहरूले बाघले आक्रमण गरी चन्दलाई बेपत्ता बनाएको खवर गरेपछि अहिले प्रहरी र स्थानीयले खोजी कार्य गरिरहेका छन् ।
सीमा क्षेत्रका बासिन्दामाथि बाघले आक्रमण गर्न थालेपछि यस क्षेत्रको जनजीवन त्रसित भएको छ । यस अघि बाघको आक्रमणमा परी पुनर्वास नगरपालिका १० विकास बस्तीकी ३३ वर्षीय कलसा सार्कीको ज्यान गएको थियो । विकल्प दैनिक बाट सभार
Discussion about this post