जबसम्म गाउँमा थियो ऊ पनि जमिनदार थियो ….

देशमा सर्वहारा भन्नेहरूको नै सरकार बनेको छ
तर विचरा!श्रमजीवी सडकमा लाचार बनेको छ

सरकारी मठाधिशहरू घेरिएका छन् दलालबाट
जति धेरै भ्रष्ट उत्ति नै सरकारको यार बनेको छ

जबसम्म गाउँमा थियो ऊ पनि जमिनदार थियो
गाउँमा सिंहदरबार आयो किरायादार बनेको छ

सिंहदरबार र शासक एकै चोटि गाउँमा पसेछ
जनता लखेटियो उसको अर्कै संसार बनेको छ

छुट्याउन नसकिने भएछ शक्ति कमजोरी पनि
शासक र चाकरहरूको एकै परिवार बनेको छ