जीवन रहोस् सलामत फेरि मिलन हुनेछ

बिर्सेका यादहरूले पीडा झन झन हुनेछ
जीवन रहोस् सलामत फेरि मिलन हुनेछ

हुँदैन गल्ली अँध्यारो प्रेमीहरूले हिडेको
प्राप्ती अपेक्षित भएमा प्रेम बन्धन हुनेछ

रोएर हुन्छ खुसी यस्तो छ मान्छे अनौठो
देखेर खुसी अर्काको मनमा जलन हुनेछ

दिन्छौ र चोट घाती भन्छौ खुसी भैराख्नु
खुसी भैराख्नु तिमी अन्तिम वचन हुनेछ

यात्रा रहेछ जीवन बबुरो म यात्री एउटा
हारेको छैन आजै एकदिन मन्थन हुनेछ