भानुभक्तले लेखेको संसारै रुवाउने &#8220;पोखरा जहाज

महेन्द्रनगर- पछिल्लो समयमा लोक तथा डेउडा गितमा लय/शब्द कोरेर चर्चा बटुल्दै आएका चर्चित देउडा गायक तथा कलाकार भानुभक्त जोशीको शब्द सिर्जनामा पोखरामा भएको यति एयरलायन्सको जहाज दुर्घटनालाई लक्षित गरि जहाज दुर्घटना गीत सार्वजनिक भएको छ ।

जसमा गायक तथा कलाकार भानुभक्त जोशीको शब्द तथा वरिष्ठ देउडा गायक भोजराज भट्टको सुमधुर रहेको छ ।

हावामा उडेर गयो, तस्बिर मात्रै बाँकि रह्या, जहाज भित्रै काल पनि बसेको रहेछ भन्ने मन रुवाउने शब्द गायक भानुभक्तले समावेश गरेका छन् । ७२ जनाको ज्यान जानेगरि भएको उक्त जहाज आन्तरिक तर्फको ठुलो दुर्घटना हो । सोहि विमान दुर्घटनामा दिवंगत भएका व्यक्तिहरुको सम्झनामा उक्त गीत तयार पारिएको हो ।

देउडा भाकामा तयार पारिएको उक्त गीत ठाडी लयमा तयार पारिएको छ । भुवन बडूले एरेन्ज गरेको उक्त गितलाई जीवन बडूले मिक्सिङ गरेका छन् । बिग परिवेश स्टुडियोमा रेकर्डिङ गरिएको जहाज दुर्घटना गीत सुनेर भावुक नहुने कमै होलान् । सेतीमा खोजमा रगतको झोल भयो, संसार नै रुवाएर गयौ दैव, एकै चिता यति जना लगायतका मनै छुने भावुक शब्द समावेश गरिएका छन् ।